يا اساتذه يامحترمين ابغي انزل من 40الى 50كيلو في فتره 5اشهر مع العلم انني اتمرن في اليوم لايقل عن ساعه ونصف الي ٣ ساعات في اليوم متضمنه اوبيتكال لمده ساعه وسباحه من ٨ اشواط الي ١٢ شوط مرره مهلكه الباقي اقسمه بين سكواش او سله او مشي موب دايم امشي لان الجو جدا سيئ وجهاز المشي يتعب ركبتي فا انا امشي حول مضمار الملعب ان مشت مده لاتقل عن 45دقيقه اقطع في12دقيقه كيلو متر، لاكن انا شخص اثقل مره في الفطور وممكن الغداء بس عشاء ابدا موب دايم اتعشى وانت تعشيت يكون قبل نومي بفتره لاتقل عن ٤ ساعات قبل النوم (انا نزلت في 3 اشهر 8كيلو طبعا ماكانت اتمرن نفس هالتمارين كنت اخدع نفسي بالاوبيتكال فقط ومرات سباحه وماكنت اتبع حميه غذائيه ندمت قد شعر راسي اني ما اتعبت حميه ولا استغليت الوقت صح )
ممكن خطه او دفعه معنويه قويه .
تنويه:
انا اغلب الاحيان اكل من صب وي طبعا البريد بر هل فعلا صب وي مفيد بالدايت ولا مجرد كلام بالهواء
اقسم بالله ان السمنه هم كبييير جداااااا
عزيزي ٤٠ ل ٥٠ كيلو في ٥ اشهر هو رقم كبير جدا وغير صحي، النزول بهذه السرعة له اعراض جانبية مثل خسارة الكتلة العضلية و تجمع الجلد الزائد وكذا تكون خلصت من مشكلة ودخلت في مشكلة ثانية، انصحك بمحاولة نزول ٢٠-٣٠ كيلو على حد اقصى عشان لما توصل لهدفك تكون حليت كل المشاكل وتكون عندك بنية جميلة وصحية بدل ما تدخل في الدوامات الثانية اللي ذكرتها فوق.
الجيد في عاداتك انه اكبر وجبة عندك هي الفطور وهذا الصح بس حط في بالك انك تبعد عن اشياء معينة مثل المقليات والزيوت والاجبات والالبان كاملة الدسم والسمن والدهون، بخصوص صب وي هو مطعم يتميز انه عنده “بعض” الخيارات الصحية يعني مو كل شي هناك هو صحي وحق دايت، طبعا خبز اسمر افضل، والابتعاد عن اضافة شرائح الجبنة لأنها اضافة سعرات حرارية كبيرة ممكن تستغني عنها وتاكل كمية اكبر، الخيارات الصحية عندهم تجدها في لائحة السندوتشاه الاقل في الدهون (صدر الدجاج والديك الرومي مثلا) حاول ما تضيف صوص ثقيل وعالي السعرات مثل المايونيز واستبدلها بأشياء خفيفة مثل الليمون والخل والشطة والخردل
عالعموم لو استمريت على روتينك وانتبهت عالاكل حسب مانا شايف انك منتبه صدقني النتائج حتكون اكثر من رائعة بس لا تستعجل نصييييحة من اخ
بالتوفيق لك
عن المُجيب
طبيب امتياز, مدرب ومهتم بالصحة, له مشاركات إعلامية عديدة في مجال نشر الوعي الصحي, مقدم فقرة صحتك علينا في برنامج وردي وأزرق في إذاعة جدة, مؤسس لمجموعة ميزان الصحية. عمل مع العديد من الأشخاص في تمكينهم من التحكم في أسلوب حياتهم وتحويله إلى نظام صحي سواء بمتابعتهم شخصيا أو عن طريق وسائل الإعلام الاجتماعي.