الوسم : رياضة

31يوليو

كيف أجعل جسمي رياضياً؟

سلام عليكم ورحمة الله وبركاته…. رمضان كريم وكل عام وانت بخير انا هتان طالب جامعي في العشرين من العمر ولله الحمد بصحة جيدة. السنتين اللي راحو كنت مغترب فيها وطبعا اكل البيت اختفى من حياتي نقدر نقول عايش على ال fast food والموضوع هذا بدأ يضايقني خصوصا انو جسمي بدأ يتغير للأسوأ للتوضيح فقط انا طولي ١٨٩ والوزن ٧٦ ولكن اهدف اني ابني جسم اكثر صحة وقوة خصوصا المنطقة العليا من جسمي بس اعاني من مشكلة ثبات الوزن وزني لا يتغير ابدا مهما كان اسلوب حياتي او اكلي فالمعضلة هيا كالتالي كيف اقدر ابني جسم رياضي وصحي وايش الاكل اللي المفروض اركز عليه عشان اكسب وزن واقدر احرق منه اثناء ممارستي للرياضة.
شكرا ..

31يوليو

هل هناك ريجيم ينقص ٦كيلو في الشهر؟

ابغا انحف 6 كيلو في اللي الايام الباقية من رمضان بس مو عارفة ايش اسوي رجيم ولاايش رياضة الله يخليك ساعدني ابا انحف 6 في رمضان وان شاءالله بعدها اكمل وانحف كل شهر 4 كيلو بس ابغاك تقولي ايش الرجيم اللي ممكن ينحفني سريع وكمان رياضة اباها تحرق كالوريز في اقل وقت بللليز

31يوليو

ما هي الرياضة المناسبة لتكبير الأرداف وشد البطن؟

أنا أم لطفلين عمري أربع وثلاثين طولي١٥٨ووزني٨٤شكل جسمي شكل التفاحة أعاني من كبر حجم الكرش وترهل شديد استاصلت الغدة ألطريقه قبل ٥سنوات وعندي نقص فيتامين دال ماهي الرياضة المناسبة لتكبير الأرداف وشد البطن

30يوليو

ما البرنامج الغذائي الصحي الذي ينقص ١٠ كيلو؟

انا وزني ٧٠ وطولي ١٥٩ عمري ٢٢ سنة موظفة لشفتين صباح ومساء ما اقدر ادخل نادي بسسب دوامي اشتريت سير وامشي عليه يوميا بس أبغى برنامج غذائي صحي ممكن الله يعطيكم العافية وحالة أتابع معاكم والتزم في رمضان وبعدوا انشأ لله و كل عام وانتم بخير

30يوليو

هل هُناك تمارين للبطن تحسّن من شكله؟

السلام عليكم

مشكلتي هي بطني !
أنا ماعندي كرشه بس ما أدري كيف بطني مقسومة نصين يعني من فوق السرة فيه زي الحفرة بالعرض ! يعني زي كإن عضلات بطني منقسمة نصين!
أتمنى أنكم فهمتو المشكلة !

سويت تمارين للمعدة بس موب راضيه تروح !
أتوقع سببها أني أحط خصر البنطال بنص المعده فتركت هذه الحفرة

أبغاكم تقولون لي كيف أشيلها كثير مشوهه بطني
يعني تمارين معينه أسويها تقدر تشيلها !

الله يجزاكم الجنه ساعدوني

وزني ٥٨ وطولي ١٦٥

30يوليو

ما هو النظام الغذائي المناسب في رمضان؟

انا حابه اتبع نظام غذائي ، طولي 165 تقريبا وزني 73 العام الماضي كان وزني 80 تقريبا وتعبت ونزل وزني الى 58 في شهرين ممكن فحابه ارجع الى 65 مع العلم ان من النوع اللي ينحف بسرعه وما اكل زيوت كثير بس مشكلتي احب الشوكلا .. فأذا ممكن تساعدوني برمضان ..

جميع الحقوق محفوظة لـ © اسأل طبيب