اهلاً دكتور .. السلام عليكم ..
أنا شاب عمري ٢١ سنة وزني ٩٨ تقريباً وطولي ١٧٣ ..

ودّي ببرنامج يساعدني على إنقاص وزني في رمضان ..
أنا مشكلتي مع الأكل مشكله لازم آكل لين اتعب .. يعني حتى لو شبعت استمر آكل لين احس اني طفشت بعدين أوقف ..
مغرم جداً بالهمبرجر اللحم والصوص بأنواعه .. عندي حالة ادمان للمشروبات الغازية بشكل لا يصدق .. معدل شربي للبيبسي في اليوم تقريباً ٥ علب .. ترتفع احياناً الى ٨ أو ٩ علب ..
تركتها قبل فتره لمدة شهر كانت فتره مريحه لبطني وريحتني كثير من الغازات في البطن .. لكن ماتأقلمت أني اشرب مع الهمبرجر عصير !!!

السؤال : هل ممكن انزّل وزني في رمضان ؟!
وهل الصيام ممكن يكون مساعد في مسألة انقاص الوزن ؟!

وشكراً لك مقدماً .. ورمضان مبارك عليك ..

السلام عليكم
يعطيكم العافيه يارب ويوفقكم ويفرج كربكم مثل ماتفرجون على المسلمين يارب
أنا وزني تقريبا ٦٨ وطولي ١٦٩
أبي يوصل وزني ٥٥ بالضبط في شهرين لأنه عندي شيء مهم بنهايه شهر ١٠
مع العلم أن همتي عاليه إن شاءالله وأقدر وسبق ونحفت خمسة كيلو بشهر
قبل سنه سويت رجيم قاسي مشيت ولعبت سله بس الأكل نادر مع أني أكل سلطة بس كان متعب وأول ماتركته سمنت أكثر
المشكله الحين كيف يكون نظامي برمضان؟ وماببعد رمضان يعني الأيام العاديه
مع العلم أن عندي نقص بالحديد وأخذ الفيتامينات وصرفت لي الدكتوره حبوب فيتامين للشعر والبشرة أتوقع أنها سمنتني
وأمارس رياضه المشي وكرة سلة
ليت أعرف كيف يكون نظامي برمضان ؟ ووقت الرياضه ومدتها ؟ وش يكون فطوري والعشاء؟

وشكرا
والله يسعدكم يارب

عندي كم سؤال لو تفضلتم.. هل تمارين البطن مفيده لاصحاب الكرش الصغير؟ ام لا بد من اخفاء الكرش ثم عمل التمارين بعد زوالها؟
الارداف والافخاذ ماهي التمارين المناسبه لها؟
وهل هناك برامج معينه بشهر رمضان للتخسيس؟
علما ان وزني 68 وطولي 163

وشكرا لكم